საზეიმო მიღება ევანგელურ-ბაპტისტურ ეკლესიაში

2014 წლის 18 მარტს, ევანგელურ-ბაპტისტური ეკელსიის მშვიდობის საკათედრო ტაძარში, ამერიკის შეერთებული შტატების სახელმწიფო დეპარტამენტის მიერ ეპისკოპოს რუსუდან გოცირიძის „საერთაშორიშო მამაცი ქალების ჯილდოთი“ დაჯილდოვების აღნიშვნის ცერემონია გაიმართა.

წირვასა და მიღებას, ევანგელურ-ბაპტისტური ეკლესიის მრევლთან ერთად, ესწრებოდენენ სხვადახსვა ეკლესიებისა და რელიიგიური გაერთიანებების წინამძღოლები, საერთაშორისო ორგანიზაციების წარმომადგენლები, შერიგებისა და სამოქალაქო თანასწორობის საკითხებში სახელმწიფო მინისტრი, პაატა ზაქარეიშვილი, პრემიერის მრჩეველი ადამიანის უფლებათა დარგში, თამარ ჩუგოშვილი, სახალხო დამცველთან არსებული ტოლერანტობის ცენტრის თანამშრომლები, სამოქალაქო საზოგადოებისა და მედიის წარმომადგენლები.

წირვის შემდეგ, რომელიც მეუფე რუსუდანმა გადაიხადა, გაიმართა მიღება, რომელზეც  მეუფე რუსუდანის კოლეგებმა და მეგობრებმა მას  ამ პრესტიჟული ჯილდოთი დაჯილდოვება მიულოცეს.